MPUJ nga overloading gisita sa Talisay
CEBU, Philippines — Gisita ang usa ka Modernize Public Utility Jeepney nga nagbiyahe sa Dakbayan sa Talisay human nasakpan kini nga wa nagsubay sa rota ug nilapas sa gidaghanon sa pasahero.
Ang mga sakop sa Land Transportation Office (LTO) uban sa City of Talisay-Traffic Operation Development Authority (CT-TODA) nagpahigayon og operasyon diha sa Natalio Bacalso Avenue sa Barangay Lawaan.
Namatikdan nga nag overloading ang MPUJ hinungdan sa pagsita.
Nahibaw-an sab nga wala kini nagsubay sa iyang rota hinungdan sa pagmando sa taga LTO nga adto na sa buhatan sa CT-TODA sila maghusay.
Ang mga pasahero gipakanaog ug giuli ang ilang mga plitehan ug gipasakay og laing de pasaheroan. MEL (BANATNEWS)
- Latest