Wa pay siguro kun dunay pasigarbo sunod tuig

CEBU, Philippines —  Dili pa makatug-an si Gobernador Gwendolyn Garcia sa Probinsya sa Sugbo kun aduna pay mahitabong Pasigarbo sa Sugbu sa sunod tuig nunot sa eskandalong nahitabo karong tuiga nga gipahigayon didto sa siyudad sa Carcar.

Daan ng mipadayag ang gobernador sa pagkadismaya sa nahitabo, kay bisan kadtong mga matud pa nikita sa maong kalihokan wala gani mobarog para sa probinsya.

Hinuon samtang wala pay pasigurohan kun duna pay mahitabong Pasigarbo sa Sugbu sa sunod tuig, kadto tanang nakadaug sa ikaduhang pag-kwentada sa mga hurado (human ang primerong resulta naputos sa kontrobersiya), pasayawon og balik sa sunod buwan diha Hoops Dome sa Dakbayan sa Lapulapu.

Wala pa sab ibutyag sa gobernador kun pilay premyo aning mga bag-ong napiling maoy nakadaug tungod kay aduna may mga nagtabla sa iskor. Apan ang labing siguro, dili sila magtunga sa premyo.

Gibutyag ni Garcia, iya usa pamalandongan kung adunay pasigarbo sa sunod tuig.— IBM (BANATNEWS)