Awto naka hit and run, midaro sa mga motor
CEBU, Philippines — Gidaro sa usa ka pribadong sakyanan ang dili momenos tulo ka mga motorsiklo nga adunay mga angkas duha niini ang patay on the spot samtang lima ka pedestrians pa ang naangol, duha niini wala pa mailhi.
Naglambigit sa usa ka Toyota Vios adunay plaka nga AAE-8693 nga gimaneho ni Christian Joshua Canoy Abrasaldo, 22, residente sa Deca Homes Phase 4, Brgy. Tungkil, Minglanilla.
Samtang ang nakalas sakay sa Yamaha Mio125 268-GAO mao sila si Rodrigo Abapo Jr., residente sa Panas , Marigondon, Lapu Lapu City,ug ang backrider niya nga si Ronnie Ansiano Taneo, 32, residente sa Tongan, Cordova nga us aka rehistradong magtutudlo.
Ang mga naangol sakay sa motorsiklo nga Honda RS nga adunay plaka nga 2366 WK nga gimaneho ni Carlito Balobo Entoma 29, residente sa Saturn St., Brgy. Labangon uban sa backrider niyang si Shella Mae Gabito Capul,19, nga residente sa Brgy. Labangon Cebu City. Laing naangol mao si Jelon Ababon, 55,residente sa Inayawan Cebu City.
Sa inisyal nga imbestigasyon nga gihimo nasayran nga mga ala 1:30 sa kaadlawon Hunyo 11, 2023.
Si Ababon naglakaw padung sa habagatan agi sa dalan sa C. Padilla St. Brgy. San Nicolas Proper, Cebu City sa dihang kalit kining gidumbol sa sakyanan ni Abrasaldo.
Si Ababon maoy unang nabiktima ni Abrasaldo, apan imbe mohunong aron kini tabangan gikatahong mipasirit hinuon kini aron moikyas.
Apan sa pagabot sa unahan, nadasmagan niya maong maong tulo ka mga motorsiklo nga maoy hinungdan sa pagkamatay nilang Abapo ug ang magtutudlong si Taneo ug miangol ug laing tulo.
Ang duha niini pagka buntag na nahibaw-an nga nabiktima ni Abrasaldo samtang duha sab ang wala pa makuhai og pangalan sa mga imbestigador nga nalandig sab sa tambalanan.
Si Abrasaldo gitanggong na sa Sawang Calero Police Station 6 ug mag-atubang og kasong Reckless Imprudence resulting in Double Homicide and Damage to Property with Multiple Physical Injuries.— /IBM (BANAT NEWS)
- Latest
