Pesquera napiling bag-ong presidente sa PCL Cebu City chapter
CEBU, Philippines — Si Cebu City South District Councilor Jocelyn Pesquera maoy napili nga bag-ong presidente sa Cebu City Chapter sa Philippine Councilors League.
Nasayran nga usa si konsehal Pesquera sa mga beterana na sa konseho, ug nahibalik kini sa iyang posisyon sa miaging piniliay karong tuiga.
Gipulihan ni Pesquera alang sa naangkon niya nga posisyon mao si vice mayor Raymond Garcia kinsa mao usab ang presidente sa Cebu Chapter sa Vice Mayor's League.
Napili nga bise presidente sa maong chapter mao si Konsehal Jerry Guardo, ug secretary general mao si Konsehal Noel Wenceslao.
Nakuha usab ni Konsehal Renato Osmeña Jr. ang posisyon nga treasurer, samtang si Konsehal Jaypee Labella maoy auditor. Si Konsehal Dondon Hontiveros maoy PRO, samtang si Konsehal Pastor Jun Alcover maoy business manager.
Ang chapter directors mao sila si Konsehal Pancrasio Espares, Phillip Zafra, James Anthony Cuenco, Rey Gealon ug Jose Lorenzo Abellanosa. —MEL (BANATNEWS)
- Latest
