Gipusposa’g dos por dos patay
CEBU, Philippines — Patay ang usa ka lalaki human kini gipusposan og kahoy diha sa ulo sa iyang silingang iyang gikaaway diha sa Sitio Sacsac, Barangay Dakit sa Lungsod sa Sogod.
Giila ni Police Lieutenant Warlito Toñacao sa Sogod Police Station ang nakalas mao si Arijano Badayan, 52, nagpuyo sa maong dapit.
Samtang nadakpan sab sa hot pursuit operation ang nakaaway niini nga si Anaclito Sungahid Tautho, silingan sa biktima.
Sa pagabot sa kapolisan sa lugar, naabtan nila ang biktima nga nagbuy-od na sa yuta ug wa nay kinabuhi ug wala na diha ang suspek.
Dunay mga silingang nakasaksi sa maong hitabo ug miasoy ngadto sa kapolisan nga gibunalan og dos por dos nga kahoy sa suspek ang walang bahin sa ulo sa biktima.
Sa dihang natumba kini gikatahong gitiwasan pa kini sa pagpatidpatid sa suspek ug pagkahuman daling miikyas hinungdan nga nanawag ang mga silingan og polis. — IBM (BANATNEWS)
- Latest