Cuenco: Approval ni Labella mao na lang ang gipaabot

MANILA, Philippines — Ang approval na lang ni Mayor Edgardo Labella ang gipaabot aron tugtan nga makasulod sa Dakbayan sa Sugbo ang mga Traditional Public Utility Jeepneys gikan sa Dakbayan sa Talisay.

Suma pa ni Konsehal James Anthony Cuenco nga gipaabot na lang nila ang go signal gikan sa mayor o ang Executive Order nga ipagawas niini.

Nasayran nga ang Cebu City Jeepney Task Force nisumetir na sa rekomendasyon sa buhatan sa Mayor.

Dili mohatag og limitasyon ang Cebu City Jeepney Task Force kun pila ka sakyanan ang pasudlon sa siyudad segun ni Cuenco.

Wala ra sab mabalaka ang Konsehal nga makamugna kini og traffic kay gamay ra ang mga tpuj gikan sa talisay ug kutob ra sab sila sa dalan leon kilat.

Samtang sa laing bahin labing daghan sa mga traditional public utility jeepney (TPUJ) ang napakyas sa pagpasar inspection nga gihimo sa Land Transforation Franchising and Regulatory Board (LTFRB) 7 ug sa Land Transportation Office (LTO.

Si Krizzy Hyll Retuya nga maoy chief of staff ni Konsehal Jimmy Lumapas chairman sa committee on transportation, utilities and communication sa dakbayan miingon nga sa walo ka mga TPUJ nga gipaubos sa inspection usa lamang ang nakapasar niini. — Romeo T. Limpangog