Mga medical frontliner pahatagan og suporta

CEBU, Philippines — Si Konsehal Joel Garganera sa Dakbayan sa Sugbo niawhag sa executive department sa pagsuporta sa mga medical frontliner nga nirisgo sa ilang kinabuhi taliwala sa hulga sa covid-19.

Matud ni Garganera nga ang mga medical frontliner nga nagdumala sa mga public ug private hospital lakip sa quarantine centers sa siyudad exposed sa piligro sa virus tungod sa ilang pag-atiman sa mga na-infected nga pasyente. Giawhag ni Garganera ang kagamhanan sa siyudad paghatag og assistance sa public ug private hospitals pinaagi sa paghatag og mga protective equipment sama sa test kits, gloves o kaha ventilators ngadto sa mga medical frontliner.

Lakip sa giawhag ni Garganera ang city budget office sa pagtuon sa posibilidad sa paghatag og financial assistance ang mga resident frontliner o mga frontliner nga nagserbisyo sa dakbayan unya nataptan sa sakit nga covid-19 ug ang pamilya sa mga frontliner nga namatay tungod sa virus ug hazard pay sa nagserbisyo. /BDB (BANATNEWS)