Ex-con gipatay sa riding in tandem

CEBU, Philippines — Patay ang  usa ka gialegar nga ex-convict human gipusil sa riding in tandem a Sabado sa gabii sa Barangay Poblacion Occidental sa Lungsod sa Consollacion.

Si Police Master Sergeant Achilles Bacorta sa Consolacion Police  Station miila sa  namatay nga mao si Reynaldo Galviola, 45, taga Jagobiao sa Dakbayan sa Mandaue.

Matud pa ni Bacorta nga ang namatay bag-o lang nakagawas sa prisohan niadtong Disyembre 2019 tungod sa kaso sa ilegal nga drugas. Napriso kini niadtong 2018. Si Bacorta miingon nga nagsakay si Galviola og motor gikan sa amihanan sa dihang gitaparan kini og riding in tandem ug gipaulanan og bala. Ang mga mamumuno daling nakaikyas.

Gisusi karon sa kapolisan nga posibleng bahin sa ilegal nga drugas ang motibo sa maong pagpatay. /IBM (BANATNEWS)