Escort service sa massage parlor nasakpan

CEBU, Philippines – Duha ka tag-iya sa massage parlor ang gidakop samtang unom niini ka masahista ang gi-rescue sa Police Regional Office 7 Women and Children Protection Center (WCPC) tungod sa matud pa ‘extra service’ nga ipanghagad ngadto sa ilang mga parokyano.

Ang maong massage parlor nahimutang sa dalan Mactan 3, Ayala Access Road sa Barangay Hipodromo sa Dakbayan sa Sugbo. 

Giila ang mga dinakpan nga sila Darling Guston, ug Mary Craza Davidas nga maoy gituohan nga tag-iya sa massage parlor. 

Pinangulohan ni Police Lieutenant Colonel Raul Bolido ang hepe sa WCPC sa PRO7 maoy nangunay sa pag-rescue sa unom ka babaye human nga nakadawat sila og reklamo nga dunay “extra service” sa mga kustomer kun ilang gustohon bugti sa presyo nga P3 mil.

Sumala pa nga ang ilang police asset gihagad og extra service sa masahista atol sa ilang surveillance operations.

Nasayran nga online booking ang paagi apan plantalya lang ang maong massage parlor kay ang tinuod escort service ang ilang modus. Stay-in ang mga masahista ug ihatud lang sa hotel diin magpaabot ang kustomer. Ang duha kasohan og kalapasan sa Republic Act 9280 kun Human Trafficking samtang gikostudiya sa Department of Social Welfare and Development (DSWD7) ang mga na-rescue. /IBM (BANAT NEWS)