4 Narco-Cops nadestino sa PRO7

CEBU, Philippines —  Upat ka polis ubos sa Police Regional Office (PRO7) ang lakip nga giparelibohan subay sa padayon nga imbestigasyon human nga sila nalakip sa listahan ni Presidente Rodrigo Duterte sa mga polis nga nalambigit sa illegal nga drugas.

Gikumpirmar sa bag-ong milingkod nga PRO7 Regional Director Albert Ferro nga lima sa 357 ka mga polis sa tibuok nasud nga gipatawag sa bag-o usab nga Chief PNP Police Director General Archie Gamboa nadestino dinhi sa Central Visayas.

Dugang pa ni Ferro nga dunay usa nga nadestino kaniadto sa PRO-7 ang na reassigned na unta ngadto sa PRO13 apan nag AWOL o wala mo-report didto.

“Actually lima ‘yun. But one was reassigned into PRO-13 and was eventually dismissed kasi nag AWOL,” sumala pa ni Ferro.

Ipaubos og taas nga proseso ang 357 ka polis aron sa paglimpyo sa ilang pangalan apan kun mapamatud-an nga tinuod nga nalambigit sila sa illegal nga drugas pasakaan dayon kini og kasong kriminal ug adminstratiba nga maoy posibilidad sa pagkataktak sa serbisyo ug mabilanggo.

Matud ni Ferro magsilbing leksyon sa ubang polis ang lima aron likayan nga makiglambigit sa mga illegal nga kalihukan.

Gipahibalo sab ni Ferro nga posibleng mopatuman siya og revamp sa mga hepe aron sa paghatag og higayon sa mga uban nga mapamatud-ang may kapasidad silang mamuno ug magdala sa mga sakop ngadto sa katarung. IBM (BANATNEWS)