Mag-angkorahe nga barko sa Talisay planong pabayron

CEBU, Philippines —  Makigtagbo si Talisay City Mayor Gerald Anthony “Samsam” Gullas Jr. sa iyang legal team aron tukion ang iyang concern may kalabutan sa mga nag-angkorahe nga mga barko sa kadagatan sa dakbayan.

Matud sa batan-on nga mayor nga usa sa ilang tukion ang pagpahamtang og environmental fee.

Sumala pa ni Gullas nga aduna siyay kahingawa basin kung managat ang mag-angkorahe ug makuhaan na hinoon ang abot sa mga mananaga.

Dugang ni Gullas nga sa pagkakaron exploratory lang una ang tanan ug tan-awon usab kung unsay gihimo sa ubang local government units bahin niini.

Ang panahom sa mayor giluwatan sa dihang nakita niini ang pipila ka barko atol sa gipahigayon nga fluvial procession sa kapistahan sa Santo Niño sa Barangay Mohon nga nagsugod sa kadagatan sa Barangay Pooc lagbas ngadto sa fish port ug balik sa Pooc. /GMR (BANATNEWS)