Crystal ecstasy gibantayan sa PDEA-7 karong Sinulog

CEBU, Philippines – Ang Philippine Drugs Enforcement Agency (PDEA) mipahibalo nga tulo ka matang sa ecstasy nga usa ka party drugs ang posibileng mokatap dinhi sa Central Visayas, ang Sugbo nangandam na sa umaabot ang Sinulog.

Si PDEA7 Regional Director Wardley Getalla adunay bag-o nga klase sa ecstasy ang nasakmit sa kaulohan nga gitawag og crystal ecstasy nga sagad anha ibaligya sa mga parties.

Karong mga semanahona  adunay daghang mga kalingawan ug mga parties dinhi sa Sugbo tungod sa kapistahan sa Senyor Sto. Niño ug sa Sinulog.  Ang sagad nga klase sa ecstasy nga nasakmit sa PDEA-7 dinhi sa Sugbo mao ang tabletas nga ecstacy, liquid ecstasy ug kining labing bag-o nga ilang gipanid-an mao ang crystal party drugs. “Itong crystal ecstasy, mas potent to at mas mabilis ma absorb ng katawan. Sa street name niya ay mole. At mas malakas ito sa ecstasy kaya usually nagkakaroon ng report ng mga kamatayan sa pagamit nito sapagkat di nila na tatantiya yung dosage dahil mas malakas ito sa ecstasy tablets,”pahimangno ni Getalla.

Giangkon ni Getalla nga dili nila tanan masusi ang mga tawo nga mosulod sa usa ka street parties ilabi na nga dili usab daghan ang ilang mga K9 units apan miawhag siya sa publiko nga tabangan sila sa pagbantay batok niini samtang ilang ilusad ang Oplan EcstaNo atol sa Sinulog. Panawagan usab niya sa mga ginikanan nga tambagan ang ilang mga anak nga dili modawat sa mga hinatag nga ilimnon tungod kay taas ang posibilidad nga butangan kini og illegal nga drugas. Gipahugtan na sab nila ang pagbantay sa mga pantalan lakip na ang Mactan- Cebu International Airport nga posibleng maoy palutsan sa mga illegal nga drugas.diin mo sulod ang daghang lokal ug langyaw nga mga turista. /IBM (BANAT NEWS)