P73.2 milyon gisugyot nga budget sa buhatan ni Davide
CEBU, Philippines – Nangayo og P73.2 milyones nga pundo ang buhatan sa bise gobernador alang sa tuig 2020 diin nikunhod kini og gamay itandi sa P73.921 milyones nga pundo sa maong buhatan karong tuiga.
Matud ni Atty. Ramil Abing, chief of staff ni Bise Gobernador Hilario Davide, III ang ilang proposed budget nagbase kini sa magasto sa buhatan sulod sa usa ka tuig.
Sa maong proposed budget lakip na niini ang maintenance and other operating expenses (MOOE) nga P6 milyones, personal services nga P22 milyones ug capital outlay nga P600,000.
Ang legislative assistance fund moabot ngadto sa P30 milyones nga gamiton alang sa mga barangay ug lungsod nga mangayo sa buhatan sa bise gobernador alang sa mga proyekto niini. (/BDB)(BANAT NEWS)
- Latest