Bombero sa Balamban paatubangon sa CHR

CEBU, Philippines – Padad-an sa Commi-ssion on Human Rights og subpoena ang bombero sa Lungsod sa Balamban nga si Fire Officer 1 Orland Paul Romero.

Kini aron mosaysay may kalabutan sa kamatayon sa 10-anyos nga bata sulod sa sakyanan niini niadtong nilabay nga semana.

Matud ni CHR-7 Chief Investigator Leo Villarino nga tuyo nila nga hatagan og higayon si Romero sa pagpasabot sa hitabo.

Sumala pa ni Villarino nga angay imbestigahan ang maong panghitabo aron masayran kung aduna bay nahimo nga lapso o wala ang maong bombero sa maong insidente.

Gitutukan sa CHR-7 ang katungod sa bata samtang pabor sab sila sa tinguha ni Police Regional Office 7 Director Brigadier General Debold Sinas nga paladman pa ang maong imbestigasyon. (/GMR)(BANAT NEWS)