Laing para sweldo gitulis

CEBU, Philippines — Nasakiyo sa wala mailhing tulisan ang P158 mil nga para sweldo unta sa construction sa may Bonifacio Street, Tinago, Dakbayan sa Sugbo niadtong Sabado sa hapon.

Ang mga biktima sakay sa usa ka Toyota maroon nga dunay plate number NAO-653 nga pulos empleyado sa Landtraders World Properties Corporation nga sila si Jonas Yusores, driver; Pio Cabahug, naghupot sa payroll ug maoy naglingkod sa front seat; Junny Caramba; Reymond Jhon Sanico, security guard; Dindo Flores, admin worker ug Romel Condes.

Ang mga tulisan nagsakay og motorsiklo nga adunay plate number 7879.

Ang sakyanan padulong sa MJ Cuenco Avenue ug pagliko niini sa dalan Bonifacio kalit silang gisikitan sa nag-motor ug ang backride maoy nanaug dayon abli sa front seat.

Dali kini nition sa armas ug nideklarar og tulis dayong sakiyo sa gisudlan sa P158 mil ug nisibat padulong sa dalan Jakosalem.

Wala gisalikway sa kapolisan ang posibilidad nga inside job ang maon insidente.

Ang insidente maoy ikaduha nga nahitabo human sa Tisa diin kanhi polis ang nanulis sab sa head guard nga nagdala og kwarta nga para sweldo. (/GMR)(BANATNEWS)