Davide nagbilin og daghang buhatonon ni Gwen

CEBU, Philippines — Mas daku ang trabahoon ni Gobernador Gwendolyn Garcia sa iyang pagsunod sa administrasyon ni Bise Gobernador Hilario Davide III kaysa unang termino kinsa ang iyang amahan nga si kanhi gobernador Pablo Garcia ang iyang gisundan sa 2004.

Kini ang gipahayag ni Garcia atol sa oath taking ceremony sa mga bag-ong napiling opisyal sa Lungsod sa Daanbantayan nga gipangulohan ni Mayor Sun Shimura niadtong Sabado sa gabii sa usa sa mga hotel sa Siyudad sa Sugbo. Matud ni Garcia nga kung giunsa pagserbisyo ug pagpangga sa iyang amahan ang katawhan mao lang sab ang iyang gisunod.

“Apan karon daku-daku ang trabahoon tungod kay ubay-ubay ang napabayaan, ang atong mga provincial roads, ang atong mga inprastraktura,” matud ni Garcia.

Bisan pa man niini, gipasalig ni Garcia nga iyang buhaton ang tanan niyang mahimo ngadto sa kabarangayan. (BANATNEWS)