Kuratong Baleleng giingong naa pay tirahon

CEBU, Philippines — Posible nga aduna pay tirahan ang mga sakop sa Kuratong Baleleng human kining giingong nasigpatan sa Siyudad sa Talisay.

Gibutyag ni Police Chief Insp. Ardeolito Cabagnot, ang deputy chief sa Talisay City Police Station nga nakadawat sila og impormasyon nga anaa sa ilang hurisdiksyon ang pipila ka mga sakop sa maong grupo apan dili pa sila makatug-an kon pila kini kabuok. Hinuon ila pa kining gipaubos sa balidasyon ang maong taho.

Sigon ni Cabagnot nga dili basta-basta ang maong grupo kay gilangkuban kini sila sa mga kanhi militar o polis nga adunay kaalam sa pakiggubat.

Gawas pa niini, daghan sab sila og koneskyon ingon man pundo alang sa pagsustiner sa ilang operasyon. Una niini ang Police Regional Office (PRO-7) mipagawas sa taho nga naabot ang maong grupo sa Sugbo.

Gani ang pagpusil-patay kang SPO2 Mikie Espina nakatutok man sa grupo sa Kuratong Baleleng human kini niya na-engkwentro.

Padayon pa ang ilang pakisusi kon asa nagtagu-tago ang maong grupo nga giingong anaa sa ilang hurisdiksyon. (/DILT)(BANATNEWS)