Banay Labangon ang kampeyon

CEBU, Philippines —  Nakuha pagusab sa Banay Labangon sa Barangay Labangon ang ritual showdown sa gipahigayon nga Sinulog sa Kabataan sa Barangay kagahapon sa Cebu City Sports Center kagahapon.

Niabot sa 13 ka mga barangay ang miapil, ang unang mi-perform mao ang Sapangdako-Hugpong Kabatan-onang Mananayaw sa Sapangdaku, Tribu Higaonon sa San Nicolas Proper, Mambaling Performing Arts, Banay Talamban, Lumad Basakanon Basak San Nicolas, Tribu Mabolokon, Tribu Subaanon, Tribu Masaulogong Calerohanon, Pundok Maampuong Cogonanon, Inayawan Talents Guild Cultural Dance Troupe, Banay Labangon, Banauan Cultural Group Airswift Transport Inc. Barangay Guadalupe ug Pundok Day-asanon sa Sugbo.

Ang mga midaog sa Best in Musicality gilangkuban sa Pundok Maampuong Cogonanon sa ikalimang pwesto,Banauan Cultural Group Airswift Transport Inc. Barangay Guadalupe sa ika-upat, Pundok Day-asanon sa Sugbo ikatulo, Banay Labangon sa ikaduhang pwesto ug ang nakakuha sa unang pwesto mao angLumad Basakanon Basak San Nicolas.

Nakuha sab sa Lumad Basakanon Basak San Nicolas ang Best in Costume.

Sa street dancing, ikatulong pwesto ang Tribu Mabolokon, ikaduha ang Tribu Higaonon San Nicolas Proper ug sa unang pwesto ang Banay Labangon.

Pito ang midaog sa ritual showdown: 7th place ang-Tribu Mabolokon, 6th place ang Inayawan Talents Guild Cultural Dance Troupe, 5th place ang Lumad Basakanon Basak San Nicolas, 4th place ang Pundok Maampuong Cogonanon, 3rd place ang Pundok Day-asanon sa Sugbo, 2nd place ang Banauan Cultural Group Airswift Transport Inc. Barangay Guadalupe ug ang champion mao ang Banay Labangon.

Si Rodel Fronda, chairman of the board of Judges miingon nga dili unanimous ang ilang desisyon kay dunay daghang nindot ang presentasyon ug dunay say dunay mga ginagmay nga sayop.

“Para sakin stand out ang Banay Labangon because they have the unique formation katong sa festival proper katong sa Sinulog proper. They have groups ug three’s and then pag-mix nila at the center pagbungkag-bungkag nila and definitely they have a clean choreography and transition from one figure to the other,” matud pa usab ni  Eliseo Manlangit, usa sa mga hurado.

Ang Angelo Manapsal, choreographer sa Banay Labangon nalipay sa ilang kadaugan. Matud niya dul-an sa duha ka buwan silang nagbansay niini.

Ang Banay Labangon dunay 92 ka dancers ug 150 ka propsmen. Matud niya ang konsepto sa ilang presentasyon mao ang Family reunion.

Si Manapsal nahimong choreographer sa Labangon sukad niadtong 2001, ug kini miingon nga sa Sinulog Grand Parade duna sila’y mga ipakita nga kausaban. (BANAT NEWS)