Alayon molungtad pa sa Talisay

CEBU, Philippines – Dili na maglisud ang Partidong Alayon sa ilang tinguha nga makuptan gihapon ang dakbayan sa Talisay sa sunod tuig nga piniliay.

Kini ilabi na nga si Kongresista Gerald Anthony “Samsam” Gullas mao na ang magpapili pagkamayor sa dakbayan samtang si Mayor Eduardo Gullas mobalik sa pagpapili isip kongresista sa unang distrito.

Matud pa sa batan-ong Gullas nga wala siya’y pagsupak sa plano sa iyang apohan nga tapuson niini ang iyang karera sa politika diha sa posisyon kon diin siya nagsugod niadtong tuig 1969.

Si Gullas karon nagpangidaron na og 88 anyos. Si kongresista Gullas miingon nga nagkaestorya na sila ni Bise Mayor Alan Bucao sa plano sa ilang pamilya.

Gikumpirmar sab kini ni Bise Mayor Bucao ang pamahayag ni kongresista Gullas. Ang kasaligang tinubdan niingon nga gipaningkamotan gyud sa mga Gullas nga ang ilang gipangsuportaan nga kapitan sud sa 22 ka barangay modaug kay ang Sangguniang Kabataan (SK) ug Barangay election mao man ang ilang gihimong barometro sa ilang kadaugan sa sunod tuig nga piniliay.

Ang barangay Lawaan 1 ug Biasong lang nga kapitan nga dili iya sa Alayon nga midaug apan ang duha pulos na mihural ngadto sa Alayon human sa piniliay. (/IBM)(BANAT NEWS)