Batang lalake nalumos

CEBU, Philippines – Usa ka 8-anyos nga batang lalake kinsa wala mabantayi sa iyang pamilya ang nalumos samtang naligo sa miaging adlaw diha sa usa ka beach resort sa Barangay Nylon, Dakbayan sa Bogo.

Si Senior Police Officer 1 Glesilda Claro sa Women and Children Protection Desk sa Bogo City Police Station nagkanayon nga ang pamilya sa nalumos mihangyo kini nga dili hinganlan.

 Giingong naandan sa pamilya sa nalumos nga magtapok panahon sa kasaulogan sa tinuig nga pangilin sa ilang dapit.

Ang grupo nangaon kini sa ilang paniudto ug nabantayan nga nawagtang ang bata ug nakaplagan na lang kini diha ilawom sa swimming pool nga wala na maglihok ug daling gidala ngadto sa Bogo City Provincial Hospital apan wala na kini matabang. (/BDB)(BANAT NEWS)