Pres. Duterte moanhi sa Sugbo
CEBU, Philippines — Gikatakdang mobisita si Presidente Rodrigo Duterte sa Siyudad sa Sugbo karong Pebrero 12 alang sa usa ka closed-door meeting sa tanang local executives sa Visayas ug Mindanao.
Sa pakighinabi sa Banat News, si Department of the Interior and Local Government-7 Director Rene Burdeos miingon nga wala siya’y ideya kon unsay mga specific nga hisgutan sa presidente.
“There is no pronouncement as to what will be discussed but we will expect to hear the president's stance about his fight against corruption, illegal drugs, and the priorities of his administration,” matud ni Burdeos.
Nakadawat si Cebu City Mayor Tomas Osmeña sa urgent memorandum gikan sa DILG-7 mahitungod sa pagbisita ni Duterte.
Sa maong memorandum, sigon ni Burdeos nga si Office of Undersecretary Austere Panadero ang miisyu og advisory mahitungod sa meeting ni Duterte lakip sa mga municipal mayors, city mayors, provincial governors ug DILG regional directors sa Visayas ug Mindanao.
Giingong mohatag og speech ang presidente ug si DILG officer-in-charge Eduardo Año. Matud ni Osmeña nga motambong siya niini.
Matud pa ni Osmeña kon mahatagan sila og higayon makaduol kang Duterte, posibleng iyang sultihan ang presidente nga ipatangtang ang usa ka dakong opisyal sa national government nga giingong mihimo og kompromiso aron paboran ang usa ka gihulagway niyang “a major tax evader.”
Mohimo usab siya og rekomendasyon nga ipabiling director sa Cebu City Police Office Director si Police Senior Superintendent Joel Doria tungod kay nakauyon siya sa opisyal pagdala sa kapolisan sa siyudad.
“Doria was very good. I had my doubts about Doria but he is very thorough. He is thorough that Metrobank considered him one of the 10 outstanding citizens in this country,” matud sa mayor. (BANAT NEWS)
- Latest
