Palma: Duterte iampo

CEBU, Philippines - Gipadayag ni Cebu Archbishop Jose Palma nga kinahanglang iampo si Presidente Rodrigo Duterte tungod kay wala kini masayud sa estorya sa kalibutan.

Matud ni Palma nga ang simbahan anaa na sulod sa dos mil ka tuig maong dili siya motuo sa pamahayag ni Duterte nga kini mawagtang inig abot sa pipila ka katuigan.

Dugang ni Palma nga angayan gyud iampo ang Presidente tungod kay ang mga tawo mokatawa lang sa matag pamulong niini.

Si Palma nitug-an nga daghan nang mga emperador nga niaway sa simbahan ug nangawala na apan ang simbahan hangtud karon nagpabilin pa nga nagbarug. (BANAT NEWS)