2 babaye gitulis sa Talisay

CEBU, Philippines – Nahanaw sa iya’ng mga kamot ang mga mahalong butang sa usa ka babaye human siya gitulis sa duha ka nagsakay og motorsiklo sa Pooc, Dakbayan sa Talisay niadto’ng nilabay'ng gabii.

Ang biktima mao si Ana Fernandez, 29, dalaga nga taga Sitio Cabutoy, Pooc.

Ang biktima naglakaw sa karsada samtang padulong mopauli sa ila’ng panimaye.

Apan ang duha ka tulisan ang kalit nga nihunong sa iya’ng tungod ug nideklarar og tulis dayon tion sa kutsilyo.

Wala’y laing nabuhat ang biktima kun dili ang paghatag sa iya’ng laptop nga balor og P25,000; Samsung Tablet nga kantidad og P25,000 ug iya’ng kwarta nga P2,000. Laing ginang ang gitulis sa wala mailhi’ng mga lalaki samtang siya naghuwat sa iya’ng anak gawas sa panimaye sa iya’ng ugangan sa Barangay Dumlog, Dakbayan sa Talisay niadto’ng Sabado sa gabii. Ang biktima nailhan nga si Maria Teresa Ostior, 40, minyo, taga Deca Homes sa nahisgutang barangay.

Si PO3 Jason del Campo sa Talisay City Police Station nagkanayon nga ang biktima naghuwat sa anak nga nibisita sa iya’ng mga apohan. Apan sa wala damha  kalit nga nibutho ang duha ka tulisan nga armado og kutsilyo ug nideklarar og tulis. Tungod sa kahadlok sa biktima, gihatag ang kwarta nga P5,000; cellphone nga kantidad og P7,500 lakip na ang importante’ng dokumento sulod sa pitaka. – /GMR) (BANAT NEWS)