Devotee City papuy-an atol sa IEC

CEBU, Philippines – Gamiton ang Devotee City sa Sinulog nga puy-an sa mga mosaksi sa International Eucharistic Congress (IEC) nga wala’y kapuy-an sa Dakbayan sa Sugbo. Matud ni acting Mayor Edgardo Labella nga giaprobahan sa 2GO Shipping Lines ang ila’ng hangyo sa paglugway sa paggamit sa 120 ka container vans nga gigamit niadto’ng Sinulog.

Ang maka-istar sa Devotee City mao kadto’ng gikan sa lagyo’ng bahin sa Probinsiya sa Sugbo.

Samtang half-day lang ang trabaho sa mga kawani sa Kapitolyo karong Enero 29 nunot sa Santos nga Misa sa IEC nga ipahigayon alas 4:00 sa hapon sa atubangan nga bahin nga bukas sa publiko.

Matud ni Gobernador Hilario Davide III daku’ng garbo ug blessing sa mga Sugboanon nga ang Sugbo ang host sa IEC. – /GMR) (BANAT NEWS)