Mandaue-Cebu City tag P25 ang plete

CEBU, Philippines - Gipahimuslan sa pipila ka drayber sa mga jeepneys ang pagdagsang sa mga pasahero nga nitambong sa Misa sa Basilica Minore del Santo Niño ug nanan-aw sa Sinulog kagahapon.

Ang plete nga P10 gikan sa Dakbayan sa Mandaue nahimo na nga P25 matag pasahero hangtud sa Pier 3 sa Dakbayan sa Sugbo diin kutob ra ang mga pasaheroan.

Apan bisan sa pagpausbaw sa pletehan, wala gihapon kini nakapugong sa mga pasahero sa pag-ilogay sa masakyan padulong sa Dakbayan sa Sugbo.

Matud sa mga drayber daghan nagbagolbol apan manakay lang gihapon.  - /GMR (BANAT NEWS)