Kapuyo nangabit, babaye naghikog
CEBU, Philippines – Tungod sa gugma naghikog ang 44–anyos nga babaye sulod sa giabangang lawak sa Tawagan, Tayud, Consolacion ug wala na’y kinabuhi nga nakit–an sa iya’ng anak sa nilabay nga adlaw.
Ang naghikog naila nga si Doris Densing Arnoza, buwag kaniadto sa bana, lumad nga taga Lungsod sa Sogod.
Matud ni PO1 Raymond Levi sa Consolacion Police Station nga ang anak nga si Joseph Densing Arnoza, 25, ang nakakita mismo sa iya’ng inahan nga nagbitay gamit ang pisi nga gihigot sa liog.
Giingong ka pila na nisuway og hikog ang babaye tungod sa problema sa iya’ng kapuyo nga si Romeo Cabahug Retulado, 39, kinsa giingong panagsa na lang mouli sa ila’ng balay.
Matud ni Levi nga sa suicide note nga nakit-an sa kapolisan, ang babaye nanamilit ug niingon nga dili na niya makaya ang gihimo sa kapuyo. – /GMR) (BANAT NEWS)
- Latest
