Fetus gilabay dapit sa daku’ng mall

CEBU, Philippines – Napalgan ang usa ka puya nga gibanabana nga anaa sa lima ngadto sa unom ka buwan nga gilabay sa Sewage Treatment Plant sa usa ka daku’ng mall sa South Road Properties sa nilabay nga adlaw.

Usa ka plant attendant sa mall ang nakakita sa patay’ng bata nga nasangit sa drainage screen hinungdan sa pagkalaksi o pagkawala sa nagkadaiyang parte sa lawas niini.

Si Adonis Quitoy, security officer sa maong dapit, gisugo sa iyang supervisor nga si Mylex Licayan sa pagsusi sa taho.

Nasuta nga tinuod ang taho hinungdan nga gipahibawo ang kapolisan nga mao’y nihimo og imbestigasyon sa pag-ila sa naglabay o nagbilin sa puya nga patay na ug gidala sa St. Francis Funeral Homes alang sa tarung nga paglubong. – /GMR) (BANAT NEWS)