Nahubog gikasab-an naghikog
CEBU, Philippines – Nakaplagan na lang nga patay na ang 35-anyos nga lalaki human gikasab-an sa iyang ginikanan gumikan kay nahubog pasado alas 8 sa niagi’ng gabii sa Barangay Sta Lucia, Lungsod sa Asturias.
Gideklarar nga dead on arrival sa Asturias Infirmary si Rolito Pastorite, trisikad driver nga taga Sangi, Sta Lucia.
Si Kapitan Claro Fajardo ang nitaho sa kapolisan sa insidente human gideklarar nga patay na sa infirmary si Pastorite kinsa nadiskubrehan sa iya’ng pag-umangkon nga si Christian nga nagbitay na sa usa ka kahoy pasado alas 8 sa gabii.
Nasuta sa imbestigasyon nga sa wala pa nakaplagi ang iya’ng patay nga lawas gikasab-an kini sa iya’ng ginikanan tungod kay nahubog si Rolito.
Sa iya’ng pangluod nilakaw kini apan nagdala og pisi hangtud nga nakit-an na lang nga nagbitay na. (BANAT NEWS)
- Latest
