‘Gunrunner’ sikop sa buy-bust
CEBU, Philippines – Nadakpan sa joint buy-bust operation sa kapolisan ug mga sakop sa Criminal Investigation Detection Group (CIDG) 7 ang usa ka tawo nga namaligya og ilegal nga mga armas sa Barangay Poblacion, sa Lungsod sa Liloan.
Si Police Officer 3 Jayson Gayo sa Liloan Police Station miila sa nadakpan nga mao si Richard Toledo, 47, taga Barangay Poblacion, Dakbayan sa Danao.
Matud pa ni Gayo adunay gikasabot ang suspek nga mopalit og armas ug nagkasabot sila nga anha magkita sa Barangay Poblacion.
Ang suspetsado nagdala og bayong nga gisudlan og manok apan ang kilid diay niini mao ang mga armas.
Nasakmit kaniya ang duha ka kalibre 45 nga adunay duha ka magazine apan wala’y mga bala dihang kini gidakop sa mga sakop sa CIDG 7. – /EIM) (BANAT NEWS)
- Latest
