Mga batan-on giawhag magparehistro

CEBU, Philippines – Nanawagan si Konsehal Alvin Dizon sa mga opisyal sa barangay sa dakbayan sa Sugbo sa pag-aghat sa kabatan-onan nga magparehistro na isip mga first-time voters.

Gihangyo usab niya ang mga student leaders sa nagkalain-laing tunghaan sa dakbayan nga magbutang og help desk aron paggiya sa mga magparehistro.

Matud ni Dizon, chairman sa committee on youth, nga kinahanglan gyud nga makaparehistro ang kabatan-onan nga qualified na aron makabotar sa umaabot eleksiyon.

Nangayo og tabang si Dizon sa mga opisyal sa barangay sa pagpahibalo sa kabatan-onan sa dili pa ang katapusang adlaw sa  Oktubre 31.

Dugang ni Dizon nga 60 porsiyento sa mga botante mga batan-on ug kinahanglan nga manginlabot sa kalambuan sa gobiyerno. – /GMR) (BANAT NEWS)