Tarp batok laglag-barya, salisi gipakatap

CEBU, Philippines - Namutang og tarpaulins ang kapolisan sa pagpahimangno sa publiko sa mga buhaton aron dili mabiktima sa laglag-barya ug salisi.

Si Supt. Enrique Belciña, hepe sa Police Community Relations sa Cebu City Police Office ang nangulo sa kalihukan. Gilibot sa kapolisan labi na  sa mga parkingan diin sagad moatake ang grupo.

Matud pa ni Belciña nga kini ila’ng gihimo aron dili na mahimo’ng biktima ang katawhan.

Laing gipahimangno sa kapolisan ang modus sa uban diin agbayan sa tulisan ang biktima sama sa higala apan diay gitulis na. Kini gitawag og “tutok kalawit” nga sagad sa mga biktima ang mga estudyante. (Jojo C. Ugdol/GMR)(BANAT NEWS)