Bayad sa gate pass gireklamo

CEBU, Philippines - Nangreklamo ang mga ginikanan sa mga tinun-an sa Guadalupe Elementary School tungod sa kamahal sa bayad sa gate pass sa mokuha sa mga bata.

Sa niagi’ng tuig, P25 pa ang bayad ug nakugang na lang ang mga ginikanan nga nahimo na kini’ng P100.

Apan giklaro sa principal sa tunghaan, Nestor Arandia, nga nauyonan sa tigum ang bayranan apan diha’ng gipatuman na, daghan ang ningreklamo.

Matud ni Arandia nga nag-isyu na sila og gate pass human daghang magtutudlo ang nawagtangan sa mga gamit lakip na sa mga tinun-an.

Laing paagi nga giplanohan ni Arandia mao nga libre ang gate pass apan kinahanglan mohatag og hulagway ang mokuha og hulagway sa tinun-an. (BANAT NEWS)