Nag-date sa beach gitulis
CEBU, Philippines – Gihimulbolan sa mga gamit ang manag-uyab nga nag-date sa baybayon sa Pepito Beach, Jubay, lungsod sa Liloan pasado alas 11 sa nakalabay nga gabii. Ang mga biktima naila nga sila si Carlo Christopher Calag, 24 ug Mary Antonette Taboada, 19, taga Tagonol, Mambaling, dakbayan sa Sugbo.
Matud ni PO1 Albert Comeros, desk officer sa Liloan Police, nga samtang nag-estoryahana’y ang duha daplin sa baybayon kalit lang nitunga ang duha ka lalaki kinsa ang usa armado og .45 caliber pistol dayun deklarar og hold-up.
Gikuha sa mga tulisan ang duha ka cellphones kantidad og P10 mil ug P16 mil ug kwarta nga kapin sa P1,000.
Dali nga nisibat ang duha ka lalaki sakay sa usa ka XRM nga motorsiklo paingon sa Liloan proper. Nagtuo si Comeros nga posible’ng taga Liloan ra ang mga nihimo sa pagpanulis. – /GMR) (BANAT NEWS)
- Latest
