9 Mayor, DSWD paatubangon sa PB
CEBU, Philippines – Paatubangon sa sesyon sa hunta probinsiyal ang siyam ka mayor sa ika-upat nga distrito ug ang regional director sa Department of Social Welfare and Development-7, Mercedita Jabagat, karong Lunes.
Kini aron ipatin-aw ang kontrobersiya sa pagpangapod-apod sa emergency shelter assistance (ESA) ngadto sa mga biktima sa bagyo’ng Yolanda.
Matud ni Bokal Sun Shimura nga nakasinati og problema ang maong hinabang gumikan sa lagda sa DSWD.
Ang tanang biktima nalista nga maoy gibasehan sa pundo nga gihatag sa DSWD apan ang lagda nagkanayun nga kadto’ng mga pamilya nga adunay P15 mil nga kita matag buwan ang dili hatagan ug kadto’ng namuyo sa danger zone.
Si Daanbantayan Mayor Augusto Corro nipahibawo nga ila’ng gi-revalidate ang listahan sa mga beneficiaries subay sa lagda sa DSWD.
Nikabat sa P425.8 milyones ang nadawat nga ESA sa Daanbantayan gikan sa DSWD. Kadto’ng balay nga partially damaged makadawat og P10,000 ug ang totally damaged makadawat og P30,000. – /GMR) (BANAT NEWS)
- Latest
