P300 mil shabu ‘sakmit

CEBU, Philippines- Mokabat sa P300 mil ang kantidad sa gituohang shabu nga nasakmit sa kapolisan sa balay sa  gituohang level 2 drug pusher  sa buy-bust operation sa Poblacion, dakbayan sa Toledo sa niaging gabii.

Apan nakaikyas ang suspek nga si Deoman Apurado nga target sa operasyon.

Ang buy-bust gipasiugdahan sa  Regional Police Special Operations Group-7 nga gipangulohan ni Police  Senior Inspector Ruel Burlat.

Bisan nakaikyas ang suspek, nakuha sa mga otoridad sulod sa panimalay ang napulo ka medium size nga pakete sa shabu ug laing usa ka pakete sa gituohang shabu. (BANAT NEWS)