16 gambling machines nasakmit

CEBU, Philippines — Nasakmit sa mga sakop sa City Intelligence Branch ang 16 ka video karera ug molimoli diha sa Sitio Viking, Alaska, Mambaling sa dakbayan sa Sugbo, apan bisan usa walay nadakpang operator.

Si Inspector Gomersendo Mandawe miingon nga nakadawat sila og impormasyon bahin sa maong mga makina gikan sa barangay officials hinungdan sa gilusad nga operasyon.

Ang CIB giabagan sa Mambaling ug San Nicolas Police Stations sa pagronda sa maong dapit, apan pulos na giabandonar ang mga makina ug mingaw ang kabalayan.

Ang mga makina  giguba diha dayon sa basketball court sa maong lugar.  Ang mga ginuba nga makina gidala nila sa Cebu City Police Office. (BANAT NEWS)