Drayber nakadasmag misurender
CEBU, Philippines – Boluntaryo’ng nisurender sa Malabuyoc Police Station ang drayber sa Canter Truck human aksidente’ng nakabangga sa 42-anyos nga lalaki niadto’ng Lunes.
Ang suspek naila nga si Kerwin Jay Paroa Morga, 22-anyos, minyo ug residente sa Mantalongon, Barili samtang ang biktima naila nga si Constantino Lirasan Teofilo, 42-anyos, minyo ug residente sa sitio Bontol, Montañeza, Malabuyoc.
Padulong sa lungsod sa Ginatilan si Morga nga dunay karga nga mga dry goods alang sa market day apan sa pag-abot sa sitio Bontol, Montañeza, aksidente niyang nabanggaan ang biktima kinsa giingo’ng kalit nilabang sa highway hinungdan sa iyang hinanali’ng kamatayon.
Gibutyag sa kapolisan nga ang suspek hubog nga nagmaneho.
Gikustodiya na sa kapolisan ang suspek ug mag-atubang og kaso’ng homicide samtang ang sakyanan usab nga iyang gimaneho gitanggong isip ebidensiya. – /GMR) (BANAT NEWS)
- Latest
