Duha nagdisko gidunggab
CEBU, Philippines – Nabiktima sa pagpanunggab ang duha ka lalaki samtang nagsayaw sa diskohan sa may parking area sa Mactan Shrine sa dakbayan sa Lapu-Lapu sa niaging Sabado sa alas 11:30 sa gabii.
Ang insidente nahitabo sa bisperas sa kapistahan sa barangay Mactan diin samdan si Julius Sagarino, 19-anyos, residente sa sitio Angasil ug ang amigo niini’ng si Jeric Taghoy, 21-anyos, taga barangay Punta Engaño.
Sa inisyal nga imbestigasyon sa kapolisan nasayran nga si Sagarino ug Taghoy naglingaw ug nagsadya sa niaging pista sa Mactan dihang kalit sila gidunggab sa wala mailhing tawo.
Samdan sa wala nga bahin sa tiyan si Sagarino samtang naigo sa wala nga bahin sa bukton si Taghoy ug pulos gidala sa Mactan Doctor’s Hospital ug nakaikyas ang nanunggab. – /GMR) (BANAT NEWS)
- Latest
