Duha ka lalaki naghikog
CEBU, Philippines - Duha ka lalaki nga gituohang naghikog napalgan nga wa nay kinabuhi, usa kanila naghigot og pisi sa liog ug ang usa gituohang naglumos sa kaugalingon.
Naglutaw na sa dagat nga napalgan ang usa ka 27-anyos nga si Riel Arganza diha sa kadagatan sa Barangay Mabini sa lungsod sa Poro.
Base sa imbestigasyon nga gihimo ni Senior Inpector Jonas Tajanlangit nga si Arganza nakit-an nga naglutaw sa dagat duol sa ilang balay sa miaging buntag.
Gisulayan pa unta kini og dala sa kapolisan sa Ricardo Maningo Memorial District Hospital sa lungsod sa San Francisco apan gideklarar na kini nga dead on arrival.
Nasuta sa imbestigasyon nga nakit-an sa inahan ni Arganza, nga si Benita nga masulob-on ang iyang anak nianang pagkagabii ug gani wala kini mokaon og panihapon.
Nagtuo ang pamilya nga dunay gitago nga problema ang ilang anak maong naglumos kini sa kaugalingon.
Samtang wala pa usab matino ang hinungdan sa paghikog pinaagi sa paghigot og pisi sa iyang liog sa usa 21-anyos nga si Jason Diama diha sa Barangay Butong, lungsod sa Ronda.
Ang maong lalaki napalgan na lang nga nagbitay na sulod sa ilang balay ug dali kining gitabang sa iyang kapamilya apan patay na kini. (BANAT NEWS)
- Latest
