P60 mil nga drugas sa Danao nasakmit

CEBU, Philippines – Nadakpan sa kapolisan ang gikatahapa’ng level 2 drug pusher sa buy-bust operation sa Jenjen Compound sa dalan Juan Luna Extension sa Poblacion, dakbayan sa Danao niadtong Lunes sa buntag.

Si Police Officer 3 Nelson Pantoja sa Danao Police Station niila sa dinakpan nga si Jovannie Lao, ulitawo nga taga Quary, barangay Looc.

Nasakmit ang unom ka gagmay nga pakete ug lima ka medium size nga shabu nga may 5.12 gramos ang gibug-aton nga nagkantidad og P60,800.

Lakip sa nasakmit ang P200 nga marked money ug P500 nga gituohang halin sa pagmaligya og shabu sa dinakpan. – /GMR) (BANAT NEWS)