S. Osmeña Ave. palikayan una

CEBU, Philippines - Giawhag sa pangulo sa City Traffic Operations Management (CITOM), Atty. Rafael Yap, ang mga motorista nga dili una muagi sa Serging Osmeña Avenue kay wala pa naayo ang dalan.

Si Yap niingon nga ang padulong sa amihanan agi sa usa ka bahin sa dalan dapit sa Radisson Blu Hotel ug sa SM Parking Lot ang sirado karon.

Si Yap niingon nga daghan na ang naaksidente sa maong lugar  ug delikado kini.

Si Mayor Michael Rama niingon nga ang Department of Public Works and Highways (DPWH) nagsugod na og aspalto sa mga buho sa maong dapit. (BANAT NEWS)