Bana gidunggab sa asawa

CEBU, Philippines - Naangol ang usa ka lalaki human siya gidunggab sa iyang asawa atol sa ilang panag-away didto sa Sityo Magic, Barangay Poblacion, dakbayan sa Toledo.

Wala mahibaw-i kun unsay giawayan ni Junser Leñejan ug sa iyang asawa nga si Ritchel, pareho sila nga nagpangedaron og 30-anyos.

Ang asawa wala na makaagwanta sa ilang panaglantugi, mikuha og kutsilyo ug gihansak kini sa lawas sa iyang bana.       

Gidala sa tambalanan ang biktima ug paabuton pa sa kapolisan kun mopasaka ba kini og kaso batok sa iyang asawa. (BANAT NEWS)