Magtiayun nangatulog gitulis

CEBU, Philippines – Gitulis sa duha ka armadong lalaki ang magtiayun samtang nangatulog sulod sa ilang panimalay sa barangay Pajo, lungsod sa Daanbantayan niadtong Domingo sa gabii.

Ang bana nga si Roldan Son, 33-anyos, ang nisumbong sa kapolisan sa nahitabong pagpanulis.

Daling nipahigayun og hot-pursuit operation ang kapolisan sa Daanbantayan.

Sa pasiunang imbestigasyon nasuta nga samtang nangatulog ang mga biktima alas 10:20 sa gabii, duha ka lalaki ang niguba sa padlock sa pultahan ug gisikaran dayun tion og pistola ug kutsilyo sa magtiayun.

Gisakiyo sa mga kawatan ang P80 mil nga balor sa kwarta gikan sa bag sa asawa dayun sibat paingon sa sagbuton nga bahin sa balay.

Pakyas ang mga biktima sa pag-ila sa mga kawatan. – /GMR) (BANAT NEWS)