P.5m shabu nasakmit
CEBU, Philippines - Moabot sa P500,000 nga kantidad sa drugas ang nasakmit sa kapulisan gikan sa usa ka gidudahang “big time” nga drug pusher human kini gikatahong mibaligya og gituohang shabu niadtong nakalabay nga adlaw didto sa Barangay Calamba, ning dakbayan sa Sugbo.
Ang maong drug operation gihimo sa mga sakop sa City Anti-Illegal Drugs Special Operation Task Force (CAIDSOTF) diha sa Lucio Drive sa maong barangay.
Matud pa ni Chief Insp. Eunil Avergonzado ang hepe sa CAIDSOTF ug mao sa’y nangulo sa maong operasyon nga moabot tulo ka semana ang ilang negosasyon batok sa suspetsado nga si Raul Reyes, 34, nga taga Barangay Kalunasan.
Dugang pa ni Avergonzado nga ilang gikonsidera nga “big time” si Reyes gumikan kay moabot og tag 25 gramos ang iyang transaksyon.
Atol sa pagsikop kaniya , 50 gramos nga drugas ang nasakmit pinaagi sa cellular phone nga transaksiyon.
Human nga nahatag og drugas nakahatag gisikop ang suspetsado. (BANAT NEWS)
- Latest
