City Administrator sa Toledo bag-o

CEBU, Philippines – Bag-o na ang City Administrator sa dakbayan sa Toledo.

Gitudlo ni Mayor John Henry Osmeña si Angelo Pantaleon nga taga barangay Ibo sa pwesto.

Si Pantaleon kanhi nagtrabaho sa Armed Forces of the Philippines (AFP).

Ang pagtudlo ni Osmeña kang Pantaleon gidasonan sa resolusyon nga giduso ni Konsehal Ricardo “Kuya Nick” Pepito nga gipasar isip pag-uyon sa konseho.

Nakita sa konseho nga nipasar sa mga gikinahanglang rekisitos sa Civil Service Commission ug haum kini sa pwesto.Hinuon mag-alagad si Pantaleon dungan sa termino sa mayor. – /GMR) (BANAT NEWS)