Tulo pilian isip pangulo sa OSCA

CEBU, Philippines – Gipaabot nga mopili na si Cebu City Mayor Michael Rama sa mohulip sa pwesto ni Rolando Llaguno isip pangulo sa Office of the Senior Citizens Affairs (OSCA).

May tulo na ka pangan ang giduso apan giklaro ni Rama nga iya pa tun-an karong semanaha kung kinsa sa tulo ang iyang itudlo sa pwesto.

Matud ni Rama nga dili magpabilin sa pwesto si Llaguno sanglit humana ang iyang termino nga tulo ka tuig.

Samtang gipahibawo ni Rama nga may madawat ang mga senior citizens sunod tuig apan nagdumili siya pagbutyag sa kantidad. – /GMR) (BANAT NEWS)