Agrivet sa Balamban gitulis
CEBU, Philippines - Laing agrivet ang gitulis sa barangay Aliwanay, Balamban niadtong Miyerkules sa gabii.
Matud sa cashier, Hannelie Fieldad, 30, ug utility boy nga si Edwin Layon, 18, nga samtang sila busy sa ilang trabaho sulod sa tindahan kalit lang niabot ang duha ka motorsiklo nga gisakyan sa nagkawo ug nag-helmet nga mga lalaki.
Ang duha ka lalaki nga nag-helmet ang dali nga misulod sa tindahan dayun tion sa armas ug nideklarar og hold-up.
Nakuha sa mga tulisan ang P25,000 nga salapi nga halin sa tindahan dayun sibat sakay sa duha ka motorsiklo.
Gihulagway sa mga testigos nga anaa sa 5’4” hangtud 5’6” ang gitas-on sa mga tulisan, itomon og pamanit ug gamayon.
Ang kapolisan sa lungsod sa Balamban ang padayun pa nga mihimo og pakisusi aron pag-ila ug pagsikop sa mga tulisan. (BANAT NEWS)
- Latest
