Fluvial procession malampuson
Christell Fatima M. Tudtud/RUB (The Philippine Star) - November 13, 2014 - 12:00am

CEBU, Philippines - Kapin sa 50 ka bangka’ng de motor ang niapil sa ika-14 nga fluvial procession sa Nuestra Señora Birhen De Regla ug ang pagsugod na sa siyam ka adlaw sa Novena mass sa dakbayan sa Lapu-Lapu.

Ang kalihukan gihimo isip kabahin sa pista sa Opon karong Nobiyembre 20 ug 21.

Gawas sa mga gagmay’ng bangka, dunay pipila ka tagdumala og beach resorts ang niapil sab sa fluvial procession.

Lainlaing matang sa buwak ang gipangsabwag sa kahanginan pinaagi sa mga para-sailers atol sa pag-agi sa patron didto sa Marcelo Fernan bridge ug sa unang taytayan paingon sa Muelle Osmeña, ang pantalan sa dakbayan sa Lapu-Lapu.

Si Lapu-Lapu City Mayor Paz Radaza ug mga konsehal sa siyudad maoy nagtinabangay sa pag-alsa sa andas nga gitindogan sa balaang patron sa Lapu-Lapu. Walay problema nga mitumaw atol sa pagprosesyon sa imahen gikan sa Pacific Cebu Resort sa Barangay Suba-Basbas ug midunggo sa Muelle Osmeña. Gipaabot nga mosamot nga mograbe ang problema sa trapiko paingon sa dakbayan sa Lapu-Lapu sugod karong sunod semana kun magkaduol na ang pangilin sa Birhen sa Regla. (BANAT NEWS)

 

BARANGAY SUBA-BASBAS BIRHEN DE REGLA LAPU LAPU-LAPU MARCELO FERNAN MUELLE OSME NUESTRA SE PACIFIC CEBU RESORT SI LAPU-LAPU CITY MAYOR PAZ RADAZA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with