JVR andam batok Eddie Gullas

CEBU, Philippines – Andam makigsakbang si Talisay City Mayor Johnny De los Reyes kang kanhi kongresista Eduardo Gullas sa pagka-mayor karong 2016.

Gipadayag sa anak sa mayor, City Administrator John Yre De los Reyes nga usa kini ka dakung hagit kanila nga si Gullas makigsakbang pag-usab. Gipilde ni De los Reyes si Gullas 736 ka botos sa niaging eleksiyon.

Sa 22 ka barangay sa Talisay, 12 ang giangkon sa kampo ni Gullas samtang 10 kang De los Reyes. Atol sa pagsaulog sa adlaw’ng natawhan ni Gullas, wala niya giklaro kung modagan ba siya pagbalik pagka-mayor apan miingon nga iyang buhaton ang gusto sa Talisaynon. – /GMR) (BANAT NEWS)