Pagbaligya kemikal ipa-regulate
CEBU, Philippines - Usa ka ordinansahon ang giduso sa usa ka konsehal sa dakdayan sa Mandaue nga nag-awhag sa pag-regulate sa pagbaligya sa mga kemikal nga gigamit nga abuno nga mamahimong himuong sagol paghimo og eksplosibo sama sa gigamit sa mga mananagat.
Si Konsehal Jimmy Lumapas nga maoy chairman sa public works and infrastructure, market and abattoir ug agriculture miingon nga ang potassium chlorate, ammonium nitrate, potassium nitrate, sodium chlorate gigamit na nga sagol sa paggama og dinamita.
Matud pa ni Lumapas nga dili ikalimod nga ang mga mananagat nga gikan sa kalungsoran anha mamalit sa dakbayan og mga kemikal nga maoy gisagol sa paggama og dinamita nga maoy ilang gamiton sa ilang mga lungsod.
Sumala pa niya kun ma-regulate kini, ma-monitor na og maayo kung asa gamiton ug kinsa ang nipalit niini ug malikayan na ang paggamit niini sa ilegal nga kalihokan. (BANAT NEWS)
- Latest
